Ramri chungchang CM-ah thlen

Joint Action Committee (JAC) on Inner Line Reserve Forest hruaitute chuan nimin khan chief minister Zoramthanga chu a pisaah an kâwm a; Assam leh Mizoram ramri chungchanga Area Devolopement Board siam tura rawtna ziakin an thlen.

Chief Minister chuan, JAC hruaitute hnenah hian board siam dan tur leh a kalphung tur an ngaihven tur thu te, ramri hrûl tihhmasawn an ngaih pawimawh thu te, hma an lak mek thu leh hun kal zel turah ramri leh thil dangah pawh JAC chu thawhpui zel a duh thute a lo hrilh.

He hunah hian SDO (Civil)-in Kanhmun Police Station-a Thinghluna Assam police-in thlai thar leh ni za inhlawhna a siam an tihchhiat chungchanga FIR thehluh pawh chak taka hmalak an duh thu JAC chuan an thlen a; CM Zoramthanga chuan en zuia hmalak a tum thu a sawi a ni.