KHAWTHLIR

Lawngtlai District Child Protection Unit (DCPU) leh Mizoram Police-te chuan August 26, Thawhṭanni khan Lawngtlaia DCPU pisaah Child Welfare Committee, Special Juvenile Police Unit leh Child Care Institution-te tan The Juvenile Justice (Care and Protection of Children) Act, 2015 chungchang zirhona leh intuai hriamna an buatsaih. Lawngtlai DCPU protection officer (Institutional Care) PC Malsawmtluangi'n a kaihruai a, Lawngtlai additional SP C Lalruatkima'n a hmanpui. Advocate Sheila Laldinthari Hnialum leh civil judge cum S Ngotlia ten thil pawimawhte an zirtir a ni.

All India Awardee Teachers' Federation (AIATF), Mizoram State Branch chuan nimin khan School Education minister Lalchhandama Ralte hnenah MLA a tlin lawmpuina thuziak an hlan. Minister hnenah hian teachers' incentive lam hawi thil pawimawh an thlen nghal bawk.

'Training on GPDP and Office Procedure & Record Keeping'  chu nimin khan SIRDPR auditorium-ah neih ṭan a ni a, LAD director RS Lalzamliana'n hawngin training-a tel turte chu intuaitharna hun leh an hnaa ṭangkai tur thil pawimawh tam tak chhar chhuahna atana hmang turin a fuih. Training-ah hian LAD hnuaia thawktu hrang hrang mi 33 an tel a, ni thum chhung a awh ang.

Ministry of Social Justice and Empowerment hnuaia National Institute of Social Defence leh DIET Siaha chuan nimin khan Siaha DIET-ah 'Capacity building on drug demand reduction training' an buatsaih a, vawiinah chhunzawm a ni ang. Training-ah hian Siaha district-a high school zirtirtu 60 vel an tel a ni.