Rualbanlote tan ID siam dawn

Nimina Social Welfare department (SWD) leh Health department official-te SWD minister Dr K Beichhua hoa a pisa ṭhukhawm chuan, Mizorama rualbanlote tana ID card siam an rel.

Meeting-ah hian pian­phunga rualbanlote sorkar hriatpui leh pawmpui an nih theihna atana enfiahna leh certifi­­cate pek chhuahna run­pui (Assessment & Certifi­cation Camp) neih dan tur chungchang rel a ni.

Meeting-a tarlan a nih danin, pianphunga rualbanlote tan Unique Disa­bility Identifica­tion ­siam thar a nih tak avangin, Mizoram puma rualbanlote tan ID card thar a hrana siam a ngai a ni. Rualbanlo ID Card la nei lo zawng zawng te pawh he ID card siam thar tur hian a huam vek dawn.

Assessment & Cer­tification Camp hi a thawh khatna September 4, 2019 ah Kolasibah neih ṭan tura ruahman a ni. Camp hian nakkum March 28 thleng a awh ang.