FitIndia Movement hawng dawn

Sorkar laipuiin India rama mipui zawng zawng an taksa a chak (fit) ṭhat theih nan FitIndia Movement a kalpui dawn a, August 28, Nilaini hian Prime Minister-in a hawng dawn.

Central sorkar chuan India ram state leh union territory zawng zawng chu FitIndia Movement puala hun hmang turin a hriattir tawh a; nimina Sports & Youth Services minister Robert Romawia Royte hoa sport association tin aiawhte meeting chuan FitIndia Movement hi Mizoramah pawh ropui taka hawn ve an rêl.

Meeting-in a rèl dan chuan, FitIndia Movement hawnna hi Aizawlah chuan August 29, Ningani zing dar 6:30-ah Lammualah neih a ni dawn a, Mizorama sport association hruaitute leh infiammite sport dress nen tel vek tura beisei niin, tel tam ber sport association hnenah lawmman pek a ni ang.

Mizoram sorkar chuan FitIndia Movement pualin March 20, 2019 khan FitMizoram Run a lo buatsaih tawh bawk.