MHIP president-ah Lalthlamuani thlan a ni

Kum 2019-2021 chhunga MHIP General Headquarters office bearer turte nimin khan Vanapa Hall-ah thlan a ni a, president atan vice president ni lai Lal­thlamuani thlan a ni.

MHIP inthlanah hian returning officer (RO) chu Central YMA president Vanlalruata a ni a, CYMA general secretary Lalhma­chhuan­a'n vote thlak hmain hriat tur pawimawhte a sawi.

Hun tiam chhunga Vanapa Hall lut hman lo, vote nei si mi eng emaw zat chu kawngkhâr khâr hnan an ni.

Kum 2019-2021 chhung MHIP office bea­rer atana thlan thar zingah hian OB ni lai pali an tel a, chungte chu - Lalthlamuani, Saipuii, T Lalthangpuii leh Lalengkimi te an ni. T Lalthangpuii hi term hmasaa a nihna general secretary-ah tho thlan leh a ni a, president ni lai Saipuii chu vice president atan thlan niin, assistant secretary ni lai Lalengkimi chu financial secretary-ah thlan a ni. 

MHIP general secretary hlui Lalbiakengi chu assistant secretary atan thlan thar leh a ni.