Mizoram Sports Policy 2019 sawiho

Sports & Youth Services department chuan August 27, Thawh­lehni khan Aijal club-ah Mizoram Sports Policy 2019 chungchanga inràwn khawmna an buatsaih a, SYS minister Robert Romawia Royte-in a hman pui. SYS director Zothanmawia'n a kaihruai a, sport asso­ciation hrang hrang hruaitute an tel.

Robert Romawia Royte chuan, "Infiamna chi hrang hranga hmalak­na leh hmachhawp duang turin sport policy rintlak, behchhan tur ṭha neih hmasak a ṭul thu sawiin, "Sport policy hi infiamna discipline hrang hrang tan hmasawnna thlentu hmanrua a nih ngei ka beisei," a ti.

Sports Minister chuan, infiamna lam hma­­­sawnna tura sorkar hma­lak­na hrang hrangte sawiin, National Games 2024 thlengtu nih dilna thehluh a nih thu te, sport chu industry anga rîn luh a nih theih nan hmalak a nih thu te, sport calendar mumal tak neih a ṭul thute a sawi a ni.