Mumbai-ah nurse dah

INC member C Ngunlian­chunga chuan February 28, 2020 khan Mumbai Mizoram House-ah nurse dah turin GAD changtu chief minister Zoramthanga a ngen a, hemi ni vek hian sorkar chuan male nurse dah turin order a ti chhuak.

Chief Minister chuan C Ngun­lian­chunga zawhna chhangin Mizoram sorkar hnuaia staff nurse indaih lohna avangin Mumbai Mizoram House-ah nurse dah a nih rih loh thu House a hrilh a ni.

C Ngunlianchunga chuan Mumbai Mizoram House chu cancer avanga damlote awm­khawmna a nih avangin, nurse an mamawhna a nasat thu a sawi a, session chhung ngeia dah turin a ngen a ni. Tlai lamah Health minister Dr R Lalthangliana chuan Mum­bai Mizoram House-a male nurse dah tur an tihfel tawh thu leh order pawh an chhuah tawh thu House a hrilh a ni.