Candidate nih ka tum tawh lo - Lal Thanhawla

Congress party president Lal Thanhawla, chief minister hlui chuan, a upat deuh tawh avangin inthlanah candidate nih a tum tawh loh thu thuthar thehdarhtute zawhna chhángin a sawi.

Ṭum eng emaw zat MLA atana thlan tlin a nih tawhna bial Serchhip biala by-election awm tura a din dawn loh chhan zawhna chhángin Lal Thanhawla chuan, "Ka kum a upa tawh a, chuvangin, candidate nih ka tum lo. A hming chuan tun ṭumah pawh hian min sáwm a, ka duh lo a ni," a ti.

MPCC President chuan, Serchhip bial chuan MLA atan bial mi an neih ngai loh thu sawiin, "Kan ngaihtuah lêtin, bial mi MLA an la neih ngai loh avangin bial chhung tlangval ngei MLA nei tura kan duhsak avangin tun ṭumah chuan candidate-ah kan dah a ni," a ti a; an candidate tur PC Laltlansanga chu mi fel tak a nih thu a sawi.