Mi 74,576-in Rs. 1,48,92,400 chawi tawh
Mizoram police-te leh hmun hrang hranga local/village task force-te chuan May 4, 2020 aṭanga nimin zing dar 9 thleng khan The Mizoram (Containment and Prevention of Covid-19) Ordinance/Act, 2020 bawhchhia mi 74,576 an man tawh a, pawisa chawitir tlingkhawm chu Rs. 1,48,92,400 a ni.
February 15, Thawhṭanni zing dar 9 leh nimin zing dar 9 inkar bikah Covid-19 dan bawhchhia mi 272 man an ni a; chu'ngte chu vantlang hmuna hmai tuam lo mi 128, physical distancing zâwm ṭha lo mi 77, vantlang hmuna chil chhâk mi 16 leh sorkar dan siam dang zâwm lo mi 51 an ni. Mi 272-te pawisa chawi tlingkhawm chu Rs. 85,000 a tling.
Covid-19 Act hmanga hrem theihte
1. Vantlang hmuna hmai tuamna vuah lo Rs. 100 chawitir theih.
2. Physical distancing (ft. 6 aia hnaia awm khawm) zâwm lo Rs. 200 chawi.
3. Vantlang hmuna chil chhâk Rs. 300 chawitir theih.
4. Phalna la hmasa loa sakhaw thil leh vantlang thila punkhawm huaihawt Rs. 5,000 chawi.
5. Phalna la hmasa loa ramri pêla lut leh chhuak Rs. 5,000 chawitir theih.
6. Khung hran (quarantine) tur ni si, duh lote Rs. 3,000 chawitir theih a ni.
7. Quarantine centre aṭanga awm hun a zawh hmaa chhuak Rs. 1,000 aia tlem lo, Rs. 5,000 thleng chawitir theih.
8. Quarantine-a awm laia inkaihhruaina zawm loh vanga mi dang himna tiderthâwngtu Rs. 500 chawi.
9. Central leh state sorkarin Covid-19 donaa inkaihhruaina a siam leh inkhârkhip thupek a siamte zâwm lo Rs. 1,000
chawitir theih.
10. Covid-19 vei leh vei rinhlelhte nihna leh chanchin leh an thlalak phalna nei loa thehdarhtu thla 3 chhung tàntir leh Rs. 5,000 thleng chawitir theih.
Covid-19 dan hnuaia man tawh zat
District Man zat Sum chawi
Aizawl 42,069 Rs. 93,51,800
Lunglei 4,862 Rs. 10,77,500
Siaha 1,347 Rs. 1,89,100
Champhai 2,772 Rs. 4,32,000
Kolasib 2,404 Rs. 2,55,200
Serchhip 4,698 Rs. 6,14,700
Lawngtlai 6,055 Rs. 8,69,300
Mamit 2,071 Rs. 2,43,900
Saitual 1,216 Rs. 2,40,300
Khawzawl 3,673 Rs. 5,51,300
Hnahthial 2,196 Rs. 2,31,700
Traffic Aizawl 1,213 Rs. 8,35,600
TOTAL 74,576 Rs. 1,48,92,400