Lawngtlaiah ar vulh dan inzirtir

Lawngtlaia Agricultural Technology Management Agency (ATMA), State Agricultural Management & Extension Training Institute (SAMETI) leh MANAGE, Hyderabad-te chuan nimin khan Lawngtlai BNRGSK Hall-ah ṭhalai, kut hnathawkute tan ar vulh dan leh kawlphetha hmanga artui awp kêu dan zirna an buatsaih.

Training hi ATMA Governing Board chairman Dr Andrew H Vanlaldika, bawrhsapin a hawng a; Lawngtlai district-a loneih leh ranvulh lama ti ṭha te, self help group thawk ṭhate leh farmer friend thawk ṭhate hnenah chawimawina hlan a ni. Training hian ni nga chhung a awh ang.