AR-in Siaha leh Tipa-ah hun hmang

Assam Rifles chuan nimin khan Tuipang High School-ah 'International Childhood Cancer Day' pualin hun an hmang a; nimin vêk khan Siahaah 'New Government Schemes and Job Opportunities for Women' tih thupui hmangin hmeichhiate tana eizawnna kawng zawh theih inzirtirna hun an buatsaih bawk.

International Childhood Cancer Day puala Tuipanga H/S-a hun an hmanah hian zirlaite chu naupan laia cancer laka inven dan te, cancer vei naupangte duat leh thlàwp ṭhat a ṭul dante an zirtir a; zirlai 55 leh zirtirtute an tel a ni.

Siahaa hmeichhiate tana eizawnna kawng inkawhhmuhnaah chuan mi 18 an tel a; mahnia eizawnna kawng zawh theihte leh sorkar ṭanpuina awm theite an hrilhfiah bakah, zawhna leh chhanna hun hman a ni.