Joint NGO-in DNEP 2019 An duh lohna thehluh a ni

Joint NGO Coordination Committee-in Draft National Education Policy 2019 ṭha an tih loh lai point hrang hrangte an ziahna memorandum chu nimin khan New Delhi-ah MLA L Thangmawia'n National Education Policy member Prof. K Ramachandran hnenah a thehlut.

Joint NGO-in Draft National Education Policy 2019-a ṭha lo an tih leh an duh loh langsar zualte chu - Policy duan mekah Indian secularism nasa taka palzût a nia an hriat vang te, zirlai naupangte hmakhua aia India centric zawnga zirna kalpui tumna nia an hriat vangte leh, zirlaite tana ṭawng chi thum language formula kalpui ngai tur chu Sanskrit leh Hindi chawi lâr tumnaa an ngaih vangte a ni.

Thangmawia leh MLA ṭhenkhat chu New Delhi-ah Draft National Education Policy 2019 chungchang sawihonaah an tel a ni.