Zirtirtu aikal late an hna thawk turin phût

Tuichangral Zirlai Pawl (TCZP) chuan thuchhuah siamin, an bial chhung khaw ṭhenkhata zirtirtu dah thar, an zawm hnu lawka aikal la nghalte chu aikal lak titawp a, anmahni ngeiin hna zawm turin an phût.

TCZP chuan, June 28, 2019-a School Education Director-in hriattirna a chhuah­ah, zirtirtute chu aikal la lo tur leh, an post-a awm ngei tura hriattir an ni tih sawiin, lawmawm an tih thu an tarlang a, "Kan bial chhungah zirtirtu aikal la zawng zawngte kar leh chhûng ngeia an hna chhunzawm turin kan ngen a ni," an ti.

TCZP tarlan danin, tun hnaia sorkar­in zirtirtu a lak thar zinga pathum chu Tuichangral huam chhungah dah an ni a; chu'ngte chu - Sialsir P/S-ah Christopher Lallianpuia s/o Darsailova, Tlangnuam, Aizawl te, Mualcheng M/S-ah Lal-

ṭanpuii d/o Lalrothanga, Serchhip leh, Hmunzawl M/S-ah Vanlalnghaki d/o Vanlalrawna, Upper Republic-te an ni.

Tuichangrala zirtirtu dah thar pathum zinga pahnih - Mualcheng M/S leh Hmunzawl M/S-a dahte chu joining report an pek zawh rualin aikal an chhawr nghal tih sawiin TCZP chuan, "Bial chhung mipuite leh zirlaite hmusitna lian takah kan ngai. A rang thei ang bera an hna chhunzawm turin kan ngen a, kan hriattir nghal bawk a ni," an ti.