Ni zung chakna hmanga tui lakna tur tlawh

Lawngtlai District MJA hruaitute chuan February 28, Zirtawpni khan P&V Eastern Engineer, Bawngkawnte'n cheng nuai 1,104.4 senga  Paithar Combine Water Supply Scheme an sak mek an tlawh.

Lawngtlai MJA president Lalngheta Ralte chuan mipui tana sorkar hmalaknate mipuiin an chhawr ṭangkai thei dawn em tih chu an ngaihven ber a nih thu a sawi a, "Sorkar hmalakna mipui hnena puanzar hi kan duh ber a ni," a ti.

Lawngtlai PHE EE Netralal Jaisi chuan Paithar Combine Water Supply Scheme chu sak zawh thuai a nih dawn thu leh sak zawh a nih hunah JJM hnuai aṭangin chhungkaw tinah a thlawnin tui connection an pek tur thu a sawi.

Paithar Combine Water Supply Scheme hian khaw pali - Paithar, Rulkual, R Vanhne leh Saikah khua a chhungkaw 320-te chu nizung chakna hmangin Kurung Lui tui a pump sak dawn a, nitin mi pakhatin tui litre 55 zel dawng thei tur leh kum 2049 thleng hman theih tura ruahman a ni. He scheme hi cheng nuai 1,104.4 senga siam niin NABARD loan aṭangin 90% leh Mizoram sorkar a/angin 10% hmuh a ni. 

He ni zung chakna hmanga Kurung Lui tui lakna tur hi Lawngtlai district-ah a pa­­hnihna tur a ni a, hemi hma hian Fangfar Luiah siam a lo ni tawh.