Záwlpui zauin buh phur 5,130 an thar Thlasik thlai chîn ve theih an châk

Serchhip Záwlpui zaua leilet neite chuan kum 2020 khan buh phur 5,130 an thar. Hetih lai hian, buh an thar hnu, buh chìn leh hun hmain thlasik thlai an chíng ve thei lo nia sawiin, "Chìn ve theih kan chak tak zet," an ti.

Zawlpui zau FMC hruaitute hnen aṭanga thu dawn danin, Zawlpui zauah hian chhungkaw 63-in leilet an siam a, nikum khan buh ṭín 5,130 an thar. Zauah hian tui a luh loh avangin buh seng hnuah thlasik thlai an chìn ve pawhin an thar ṭha thei lo. Zawlpui zau aṭanga hla lo têah Mat lui a luang a, sorkar chakna hmangin harsa lo takin Mat lui tui chu zauah lak luh theih an ring a ni.

Tui awm lo chungin kuminah pawh thlasik thlai an chìn thu sawiin Zawlpui zau FMC hruaitute chuan, "Chána, anṭam leh thlai dang ṭhenkhat kan chíng ve a, ruah a sûr si lo, tanky leh tui kawng ṭha a awm bawk si lo a, kan thar ṭha thei meuh lo. Tui lâkna hi sorkarin min ngaihtuahsak thei se chuan thlasik thlai ṭha taka kan thar ve theih ngei kan inbeisei. Keini chuan kum khat chhunga buh leh thlai thar tura hnathawh hi kan huphurh 

lo," an ti.