YMA-in kawng laih mek an enfiah

YMA Sub-Headquarters, Lunglei leh Sertlangpui Group hruaitute chuan nimin khan PMGSY hnuaia Ṭhuampui leh Lungchem inkara kawng laih mek a hmunah an enfiah a; Lungchem Branch YMA hruaitute, Lungchem VC leh PWD-a thawktute'n an lo dawngsawng.

Ṭhuampui-Lungchem kawng laih mekah hian contractor ṭhenkhatin hna ṭha taka an thawh laiin, contractor ṭhenkhat hna erawh chu a felhlel deuha hriain, tun aia ṭha leh chak zawka hmalak ni se an duh thu YMA hruaitute chuan an sawi.

Lunglei YMA hruaitute chuan, PMGSY kawng laih mek chu hun tiam awm a nih avangin, hun tiam chhunga zawh hman ngei ni se an duh thu an sawi a, "Kawng hi a nih dan tur ang taka siam a nih theih nan sorkar lam pawh vil zui turin kan ngen a ni," an ti.