Gas man bithliah thar

Indian Oil Corporation (IOC) chuan eirawngbawlna gas man a ennawn avangin Food, Civil Supplies & Consumer Affairs department chuan February 15, 2021-a Mizorama hman ṭan turin gas man thar a tichhuak.

Gas man tharah chuan, domestic cylinder (kg. 14.2) chu Vairengteah búr khat Rs. 912.50 a ni a, hmun dang zawngah Rs. 921 a ni. Commercial cylinder (kg. 19) chu Vairengteah Rs. 1,821.50 a ni a, hmun dang zawngah Rs. 1,838 a ni.

Gas chu home delivery-a hralh a nih chuan a man pangngai bakah Rs. 70 belh tur niin, point delivery-a sem a nih chuan Rs. 7.53 belh tur a ni a; showroom-a hralh a nih erawh chuan Rs. 27.60 paih tur a ni thung.