Law Minister-in sorkar ukilte a kâwm

Nimin khan Law & Judicial minister TJ Lal­nuntluanga chuan nimin khan a pisaah sorkar ukil atana ruat tharte a kâwm. Minister hi Law & Judicial secretary Marli Vankung-in a ṭawiawm a ni. 

TJ Lalnuntluanga chuan, sorkar ukil atana ruat tharte chu inthlahdah lo tur leh ṭhahnemngai turin a fuih a, "Sorkar ukilte inthlahdah vanga sorkarin sum tam tak a hloh ṭhin hi tihbo a ṭul. Thawhhona ṭha tak neih a pawimawh a, thawhhona chhungah neuh neuh a awm loh a ngai. Harsatna in neihte chu rawn thlen hreh lo ang che u," a ti.

Mizoram sorkar chuan sorkar ukil atan mi 19 a ruat thar a; chu'ngte chu Gauhati High Court, Aizawl Bench atan mi pathum leh Aizawl District & Session Court atan mi 16 an ni.