IWR technical staff-te inhmu khawm

Irrigation & Water Resources (IWR) department hnuaia technical staff, Service Association of Minor Irrigation Technical Staff (SAMMITS) chuan nimin khan ATI Auditorium-ah General Conference an hmang a, minister C Lalrinsanga leh IWR secretary H Lalengmawia ten an hmanpui.

Minister C Lalrinsanga chuan, hna thawh reng reng a ṭha thei ang bera thawh a ngai tih hna viltu leh thawktute'n hre reng se a duh thu sawiin, "Dik tawk lo leh hna a nih ang ni pha lote chu chhui a, hai lan zel a ni ang," a ti a; chumi ti tura nawrtu lian ber chu sorkar hnathawkte thawh chhan ber mipui an nih thu sawiin, kal khawmte chu hna tha taka thawk turin a chah.

H Lalengmawia pawhin thu sawiin, Irrigation & Water Resources department-a thawkte mawhphurhna hrang hrang a sawi a; policy hlawhtlin leh hlawhtlin loh chu sorkarna chelhtu party kut mai ni loin, a tak taka thawktu sorkar hnathawkte an nih thu a sawi a ni.