IPS officer-te sîksawi an ni

Mizoram sorkar chuan Mizorama Indian Police Service (IPS) officer thawk mekte leh rawn sawn luh tharte hna (Post) tur a sîksâwi a; chutih laiin, IPS senior officer, Mizorama awm tura tihte zinga ṭhenkhat chu an post turah Ministry of Home Affairs (MHA) thu nghah mek a ni.

Mizorama awm thar tura tih Ajay Choudhary (AGMUT:1996) chu IGP (Intelligence)-ah dah a ni a; IGP (Inte­lligence leh Law & Order) LH Shanliana (AGMUT:1998) chu IGP (Law & Order)-ah dah niin, DIG (Hqrs.) John Neih­laia (AGMUT:2001) chu IGP (Hqrs.)-ah a awm ang.

DIG (Southern Range) MN Tiwari (AGMUT:2003) chu Police Headquarters-ah OSD-in a awm dawn a, OSD-a awm mek John Laldina (AGMUT:2004) chu DIG (Hqrs.)-ah a awm ang. Mizorama awm tura sawn luh thar Rajneesh Gupta (AGMUT:2005) chu DIG (SR)-ah dah a ni a, AIG-II Lalhuliana Fanai chu SP, CID (Crime)-ah a awm dawn.

Mizorama awm tura dah thar dang - Karthik Kashyap (AGMUT:2009) chu AIG-III a ni dawn a, Priyanka Kashyap (AGMUT:2009) chu AIG (Modernisation)-ah awm tura tih a ni bawk.