Tlabungah civic action programme

Ministry of Home Affairs (MHA)-in ramria chengte'n kawng hrang hranga hma an sawn theihna tura civic action programme a kalpui chu Inrinni khan Tlabungah a kharna hun hman a ni a, infiamna hmanrua chi hrang hrang sem nghal a ni.

Infiamna hmanrua semna hunah hian Border Security Force (BSF) 159 battalion commandant Vinay Yadav chuan, zirna lama tui lote tan 159 BSF-in Tlabung khaw chhungah skill development centre an hawng dawn tih a sawi a; sipaia ṭan duhte mamawh apiang tihsak an inpeih thu te, an zir tur ngaihtuahsak an inhuam thu leh Mizoram chhunga recruitment awmna hmun apiangah an kalna tur lirthei ngaihtuahsak an tum thute a sawi bawk.