ICT Minister-in service ṭhat dan tur sawipui

Information Commu­nication & Technology (ICT) minister Robert Romawia Royte chuan, mobile phone hmanga inbiakpawhna leh internet service tihṭhat dan ngaih­tuahin tun hnai khan Sec­retariat conference hall-ah ICT department hotu te, Aizawl Municipal Corporation (AMC) hotu te, TAIPA, ATC, Bharti, GPL leh internet service provider hotute a kâwm.

ICT Minister chuan, mobile phone hmanga inbiakpawhna leh service provider-te'n harsatna an neih hrang hrangte a ngaihthlak hnuah mobile call fiah lo leh tawp fo te, internet muang vanga harsatnate awmte leh, thingtlang khuate, a bikin Zoram chhim lam cover loh khua a la tam chu a vei thu a sawi a; chu'ng harsatnate chu chinfel a nih theihna atan Union Communications Minister bakah, mi pawimawhte hmuh a tum thu a sawi a ni.

Robert Romawia chuan, service provider-te'n chak zawka hma an lak theihna atan AMU Regulation siamṭhat a ngaih thu leh Mizoram Telecom Policy chu DOT Policy mila siam a ṭul thu sawiin, service provider-te chu sorkar laipui nena an contract term anga hna an thawh leh thawh loh sorkarin a monitor tur thu a hrilh.