Minister-in society bank a hawng

Luangmual Multipurpose Cooperative Society Ltd., enkawl Society Bank chu February 2, Inrinni zing khan Cooperation minister C Lalrinsanga'n a hawng a, Board of Director-te chu anmahni hlâwkna chauh ûm lo turin a chah. Minister hian Socitey Bank-ah hian account a hawng nghal a ni.

C Lalrinsanga chuan, Board of Director-te mawhphurhna chu mipui rawngbawlna a nih angin, an hlâwk­na tur dahṭha a, mipui tam zawkin an chhawr ṭangkai theih dan tur ngaihtuah turin a chah a, "Housing federation hi din thar leh a ṭul. Sorkar puihnaa housing loan pek chhuah ṭhin pawh LAD leh UDPA kutah dah rih a ni a, hei hi ṭha viau mah se, awlsam zawka mipui an chhawr ṭangkai theih nan housing federation din thar leh hi a ṭul a ni," a ti.

Luangmual Multipurpose Cooperative Society Ltd. hotute sawi danin, an bank-ah hian a duh apiang tan account hawn theih a ni a, pawisa dahtute chu an pawisa kum tin 4.5%-in a pung dawn. Loan pawh an pe chhuak thei a, an loan pek chhuah chu thla tin 2% zelin a pung dawn a ni.