Hna thawk ṭha duh lo Blacklist turin chah

Kolasib bialtu MLA, minister K Lalrinliana chuan nimin khan PWD Highway Division en­kawltute Kawnpui leh Kolasib inkar kawng chhia chungchang a sawipui a; hna thawk ṭha lo company-te chu black list turin a hrilh.

K Lalrinliana leh PWD hotute hian tun ṭhál chhung ngeia kawng siamṭhat a nih theihna atana hmalak dan tur an sawiho a; PWD hotute chuan, kawng siam hna chu Sunshine Overseas-te'n an thawh thu sawiin, "Tunah hian maintenance period a la ni a, vawi tam tak company-te hi an kawng siam enkawl chhun­zawm a, a chhe laite siam tha leh tura kan tih pawhin tun thlengin an la siam ṭha duh lo," a ti.

Minister chuan, main­tenance fund la awm ang ang hmanga company dang (BRTF) tun thla chhung ngeia thawhtir mai turin PWD hotute a chah a; hna thawk ṭha lo company chu Mizoram chhunga hna thawk tawh lo tura black list mai turin PWD hotute a hrilh bawk a ni.