Chawlhmunah in a kâng

Nimin chawhma dar 10:15 vel khan Chawlh­hmun, Aizawla Laleng­mawia in, Assam type, hostel atana hman chu a kâng a, bungrua tlemtê chauh chuh hman a ni.

Chawlhhmun Branch YMA hruaitu C Vanlalruata hnen aṭanga thu dawn danin, hostel-ah hian Mizoram University-a zirlai hnam dang 12 leh Mizo panga an awm a; in hnuai zawkah Lalengmawia te nupa awmin, hostel-a awmte rawng an bàwlsak ṭhin a, in kan lai hian Lalengmawia nupui chauh a awm a ni.

In kâng tih hriat a nih veleh a ṭhelh hna thawh nghal a ni a, in hnuaia bungrua tlem a zawng tih loh chu a kâng ral. Hnam dang zirlaite chu MZU hotute leh Chawlhhmun khawtlang hruai­tute inráwn tlangin an awmna tur ngaihtuahsak an ni a, Mizo zirlaite chuan awmna tur an nei. Chawlhmun khawtlang hruaitute chuan vawiin hian hnatlang an ko a, in kanna hnuhma an thianfai ang.