Mipui bumah MNF sorkar puh

ZPM chuan thu­chhuah siamin, MNF kaih­hruai Mizoram sor­kar chu blood processing fee chungchanga mipui bumah an puh a; blood processing fee chu private hospital aṭangin an la la reng niin an tarlang.

ZPM chuan, MNF sorkara Council of Minister-te January 14, 2019-a ṭhukhawmin blood processing fee lâk tawh loh tura thutlukna an siam chu sor­kar damdawi-inah kalpui ni mah se, private hospital-in blood bank aṭanga thisen an lakah processing fee unit khatah Rs. 550 zel lak chhunzawm zel a ni tih an finfiah thu an tarlang a, "Kan finfiah a, receipt pawh hmuh a ni," an ti.

MNF sorkar chu mipui bumah puhin ZPM thu­chhuah chuan, "MNF ministry leh MNF party-in mipui min bum duh mai hi a rapthlak kan tiin zah­thlak kan ti tak zet. Mipui bum duhna tun thlenga MNF-in an la nei hi sim tawh se, Mizoram mipui hnenah ngaihdam dil ngei se kan phût tlat a ni," a ti a; MNF ministry chu mipui huap thil eng pawh an tih dawnin, zir chianna awm hmasa loa thutlukna siam tawh lo tura an duh thu a tarlang bawk.