Dy. Speaker-in college week hmanpui

Johnson College chuan nimin khan Vanapa Hall-ah 18th. Annual Week khârna inkhawm an hmang a, Beat Contest an buatsaih nghal. He huna khuallian, Assembly deputy speaker Lalrinawma chuan zirlai kalkhawmte chu Mizo hnam thil ngai pawimawh turin a chah.

Lalrinawma chuan, Mizo hnam thil ngaih pawimawh a ṭul thu sawiin, "Hnam dang tih dan copy ai chuan keimahni'n kan pi leh pute tih dan kan chhawm, kan hnam ro kan vawn nun hian kan ropui zawk dawn a ni," a ti.

Thil tihfel mai theih tura lang, tihfel ni si lo, a titute'n hnam thinlung pu deuh se, tih zawh mai theih tur a hmu ṭhin tih sawiin Lalrinawma chuan, "Pathianin ram min pe a, hnam thinlung kan put a pawimawh hle a, hnam thinlung kan put chuan kan hna te a lo ṭhain hma kan sawn dawn a ni," a ti a; ram chu neitu nihna rilru nen enkawl tur a nih thu a sawi.

Deputy Speaker chuan, Mizoramin a mamawh ber chu neitu a ni tih sawiin, "Kan ram luite túrin kan hrâi a, ram kan hâl a. Hengte hi ram dang aṭanga lo kalte tih ni loin, keimahni tih ngei a ni. Kan ram neih chhun hi keini'n kan duata kan hmangaih loh chuan hnam dangin min enkawlsak dawn lo, neitu nihna thinlung nena kan enkawl a pawimawh tak zet a ni," a ti.