Lungleiah faina hnatlangpui neih a ni

Nimin khan Lunglei khawpuia veng hrang hrangah ‘Leitlangpui Faina Hnatlangpui’ huaihawt a ni a, Lunglei Sanitation Task Force chairman R Vanrengpuia'n DC pisa tualah a hawng.

Hnatlangpui hawnnaah hian kal khawmte'n thutiam an chham rual a: "Lunglei khawpui hi Mizoram khawpui fai ber kan ni ta hi kan lawm hle a. A tifaitu ni chhunzawm zel turin theihtawp ka chhuah dawn tih ka intiam e," an ti.

Hnatlang hi UDPA depart­ment buatsaih, ‘Cleanliness Competition in Urban Mizoram 2020-a Lunglei khawpuiin lawmman pahnih a dawn leh district khawpui fai ber lawmman an dawn puala buatsaih a ni a, vawiinah chhunzawm a ni ang.

Lunglei khawpui huam chhunga VC 24-te'n an veng ṭheuh tifaiin an hnatlang a, UDPA chhût danin mi 6,000 - 8,000 inkar hnatlang tura beisei a ni.