MLA-in hnathawhte enfiah

Health & Family Welfare Board vice chairman Dr ZR Thiamsanga, Champhai North bialtu MLA ni bawk chuan nimin khan Champhai tlawhin, hmasawnna ruhrel siam mek leh hmachhawpte a enfiah a; DC conference hall-ah sorkar hotu ṭhenkhatte a kâwm bawk.

Dr ZR Thiamsanga hian Non-Lapsable Central Pool of Resources (NLCPR) sum cheng vbc 19.88 hmanga Champhai Keilunglia lui khuah hna thawh mek te, Champhai New Market (CHANEM) building-a urban primary health centre (UPHC) dinna tur hmunhmate, maxicab stand siam dan tur leh UDPA department kaltlanga Champhai Vengsanga District Hospital kawng zauh dan turte a enfiah a ni.