END-in heroin leh zu an man

Excise & Narcotics department (END) chuan February 17-18 chhung khan hmun hrang hrangah heroin gram 309 leh Myanmar zu BEDC eng emaw zat an man.

END PRO tarlan danin, END enforcement-te chuan February 17, Nilaini zan dar 7:30 khan New Hruaikawn, Champhai district-ah heroin gram 258 (hawng 21) leh a neitua puh Vanbiakliana (33) s/o Tleineihsanga, Khawmawi, Myanmar-a  khawsa nia inchhál 

an man.

Nilaini zan vêk khan New Hruaikawnah Myanmar aṭanga zu (BEDC) lo lut litre 140 leh a neitua puh mi pathum - Lalliankima (28) s/o Sachunga, Rihkhawdar, Myanmar, CL Luni (43) d/o Khannanga leh Khawliandimi (43) d/o Kapthanga, Zokhawthar  nia insawite an man bawk.

END Anti Narcotics Squad chuan Nilani zan dar 11:26 khan Chanmari, Aizawlah heroin gram 39 leh a neitua puh Lalchhantluangi (35) d/o Pakunga, Chanmari, Aizawl nia inchhál 

an man.

Nimin chhun dar 11:50 khan heroin gram 12 (penicillin bur 38-a dah) leh a neitua puh Lalhruaichhungi(45) d/o Lalthankhuma (L), Vaivakawn Zohnuai nia inchhál an man bawk.

Heroin vanga mante chu The Narcotics Drugs & Psychotropic Substances Act, 1985 tlawhchhana thubuai siamsak an ni a; BEDC vanga mante chu Mizoram Liquor (Prohibition) Act, 2019 hmangin thubuai siamsak an ni.