COVID-19: Mizoram dinhmun Hripui vei mi 3 hmuh belh a ni
February 17, Nilaini khan Mizoramah Covid-19 vei mi pathum hmuh chhuah a ni a, an zinga pahnih chu tualchhunga kái, zirlai an ni. Nimin khan hripui laka fihlîm tawh mi pathum vêk chhuahtir an ni.
Covid-19 vei hmuh tharte chu Rapid Antigent Test hmangin Lawngtlai leh Saituala hmuh chhuah an ni a; ZMC laboratory leh TrueNAT-PCR hmanga swab sample endik zingah hripui vei hmuh a ni lo.
Hripui laka fihlîm tawh enkawlna hmun aṭanga nimina chhuahtirte chu Durtlang BSUP CCC aṭanga chhuak mi pahnih leh Lawngtlai CCC aṭanga chhuak mi pakhat an ni.
Mizoramah Covid-19 vei mi 4,399 hmuh chhuah a ni tawh a, mipa 3,219 leh hmeichhia 1,180 an ni. Nimin tlai dar 5 thleng khan mi 4,372 (99.38%) chhuahtir an ni tawh a, mi 10 (0.23%) thi tawhin, enkawl mek mi 17 (0.39%) an awm.
Nilaini khan ZMC laboratory-ah swab sample 93, TrueNAT-PCR hmangin district paliah sample 28 leh RAT hmangin district 11-ah sample 852 endik a ni a; sample endik zawng zawng chu 973 niin, chu’ng aṭanga Covid-19 positive hmuh chhuah pathum chu 0.31% a ni.
February 17, 2021 thlenga Mizorama swab sample endik tawh zat chu 2,23,348 a ni a, chu’ng aṭanga Covid-19 positive mi 4,399 chu 1.97% a ni. Hripui vei hmuh tawh zinga mi 2,087 chu Mizoram chhunga kái an ni a, mi 2,312 chu Mizoram páwn aṭanga an rawn luh hnua hmuh chhuah an ni thung.
Mizorama district 11 zinga district paruk - Siaha, Kolasib, Serchhip, Mamit, Khawzawl leh Hnahthial district-ahte Covid-19 vei an awm tawh rih lo. District panga - Aizawl (8), Lunglei (2), Champhai (1), Lawngtlai (5) leh Saitual (1) district-ahte chiah hripui vei an awm rih a ni.
Covid-19 vei hmuh tharte
Lawngtlai College Veng - 1: Mipa kum 20, zirlai, hostel-a a awmpuite aṭanga kái nia hriat, symptom nei lo.
Tuithumhnar - 1: Mipa kum 19, zirlai, hostel-a a awmpuite aṭanga kai nia hriat, symptom nei lo.
Sailutar - 1: Mipa kum 14, Manipur aṭanga tun hnaia haw, symptom nei lo.
COVID-19: Mizoram dinhmun
(February 18, 2021 5:00 p.m.)
District Hri vei
tawh zat Enkawl
mek zat Chhuak
tawh zat Thih-pui
Aizawl 2,886 8 2,869 9
Lunglei 416 2 414 0
Siaha 36 0 36 0
Champhai 95 1 94 0
Kolasib 295 0 295 0
Serchhip 179 0 179 1
Lawngtlai 336 5 331 0
Mamit 82 0 82 0
Saitual 30 1 29 0
Khawzawl 23 0 23 0
Hnahthial 20 0 20 0
TOTAL 4,399 17 4,372 10