MPCC-in beih zui an tum

Mizoram Pradesh Congress Committee (MPCC) office bearer-te nimina ṭhukhawm chuan, Congress sorkarin Mizoram inthlanpui neih hmaa hna a lo pek fel tawh tam tak MNF sorkarin dan tlawhchhan mumal awm loa a tihbuaite chu dan anga na taka beih zui an rêl.

MPCC OB meeting chuan, "Sorkarna siam tawh lo mah ila, ram leh mipui thlavâng hauh turin Congress party chuan a theihtawp a chhuah zel dawn a ni," an ti a; Congress party inthlanpui chu Lok Sabha leh MLA bye-election zawh lama neih turin an dah.

Congress party hruai­tute chuan, Lok Sabha inthlanpui leh Assembly bye-election awm tura hmalak dan tur an ngaihtuah a; heng inthlanahte hian an party-in hnehna an chan ngei theih nan Mizoram hmun hrang hranga Congress party mipui rilru chawk tho turin zin chhuah programme siam an rél a ni.