Bru hruai kîr dan tur sawiho

Lunglei District Level Core Committee chu nimin khan additional DC Lalchhuanthanga hoin an ṭhukhawm a, Tripura relief camp-a Bru, Lunglei district-a mi chhungkaw 364-te hruai kir dan tur an ngaihtuah.

Benjamin Lalzama chuan, Bru hruai kîr hna chu Mizoram sorkar­a Home department-in roadmap a buatsaih angin uluk taka kalpui a nih tur thu a sawi a; hruai kir hna chu hlawhtling taka zawh a nih theih nan kalkhawmte chu theih­tawp chhuah ṭheuh turin a chah.

Meeting-a tarlan danin, sorkar laipui, Mizoram sorkar, Tripura sorkar leh Mizoram Bru Displaced Peoples Forum-te chuan draft agreement an siam angin, March 31, 2019 chhungin Bru-te hi Mizorama hrua kir tur an ni a, Lunglei district mi chhungkaw 364 an awm.

Meeting-ah hian department hrang hrangte sum mawmawh te, kawng dinhmun, kawlphetha dinhmun, damdawi leh medical facility dang mamawh tur te, buhfai lama ruahmanna siamte leh official-te duty dan turte sawiho a ni.