MSSA-in inkhawmpui an hmang

Mizoram Secretariat Service Association (MSSA) chuan nimin khan Thara Resort, Falkland-ah inkhawmpui an hmang a, minister Lalruatkima'n a hmanpui.

Inkhawmpui hi MSSA denior vice president F Lalrinawma'n a kaihruai a; minister Lalruatkima chuan, hotute thuawih, mahni inthununthei leh mi dangte zah thiam ni turin MSSA member-te a chah a, "Ram hruaitute, a bikin mipui thlan tlin MLA-te zah thiam a pawimawh. Inpekna leh ṭha­hnem ngaihna kawng­ah te, taimak kawngah te, sorkar tan theihtawp chhuah ṭheuh tum rawh u," a ti.

Lalruatkima chuan, sorkar kut leh ke pawimawh tak MSSA-te chu sorkarin policy a neih tur a hlawh­tlin theihna atan sorkar finchhuah tura chahin, "Mi tam tak ei leh bar zawnna kawnga harsatna neite sut kiang chu sorkar tum a ni," a ti a; sorkar thil tum hlawhtlinna chu sorkar hnathawkteah thui tak a innghah thu a sawi.

Inkhawmpuiah hian chawhnu lamah MSSA president K Vanlalrawni kaihhruaina hnuaiah rorel a ni a, kum 2017-19 chhunga hruaitu tur an thlang bawk.