Zawlnuam RD Block-ah CSC 8 din tawh

Mamit district-a Pub­lic Health Engineering (PHE) depart-ment chuan February 6, Nilaini khan Kanhmun V/C Hall-ah Children Sanitation Club (CSC) an din a; heti hian Mamit district-a Zawlnuam RD Block chhunga khaw pariatah CSC an din tawh.

Kanhmun CSC dinna inkhawm hi PHE SDO Darthangvunga'n a kaihruai a; Swachh Bharat Mission (Gramin) Mamit district-a ambassador Laltharzeli'n CSC din chhan leh a kalphungte a sawifiah a, Zawlnuam RD Block huam chhung khaw 30-ah CSC an din leh dawn thu sawiin, CSC avangin thingtllang naupangte'n faina leh thianghlimna an ngaih pawimawh phah thu a sawi.

CSC hi Kanhmun Primary School-ah hawn a ni a, hawnna inkhawm neih zawhah khawlaia bawlhhlawhte chhar faiin an hnatlang nghal. Khaw hrang hranga CSC hawnnaah khaw­tlang hruaitu V/C, YMA leh MHIP hruaitute'n ṭawiawmin an hnatlanpui ṭhin a ni.