Duhoma'n Serchhip khawtlang hotute a kâwm

Serchhip bialtu MLA Lalduhoma, ZPM Legis­lature Party lea­der chuan nimin khan Serchhip khawpuia tlawmngai pawl hrang hrang - YMA, MUP, MHIP leh MZP-te bakah, V/C member-te New Ser­chhip Venglai YMA Hall-ah a kâwm a; Serchhip khawtlang mamawh leh hmalakna turte an sawiho.

Lalduhoma chuan, inthlan dawna Serchhip bial tana a hmachhawp tawh, '12 Point Manifesto' chungchang a sawipui a, inthlanah ZPM an chak zawh loh avangin '12 Point Manifesto' zingah tih theih leh tih hleih theih lohte a awm lo thei lo tih a sawi rualin, bawhzui theih leh hmalak theihte erawh chu ṭhahnemngai taka bawhzui a tum thu a sawi.

Sorkar chak ṭha tak nei turin Assembly House-ah opposition chak ṭha an awm a pawimawh tih sawiin Lalduhoma chuan, sorkar hmalakna pawh theihtawpa thlâwp a, sawisel a ngaihnaah pawh sawisela inkhalh ngíl tur an nih thu a sawi a, "Tualchhungah pawh ruling leh opposition party-te iner tawn lo a, khawtlang tana ṭha turah chuan lungrual taka hna kan thawhho a pawimawh em em a ni," a ti.

Inkawmhonaah hian V/C leh NGO hruai­tute'n Serchhip khaw­tlang ma­mawh leh hmalakna tura an duhte an sawi lang a; chu'ngte chu lo chhin­chhiahin, Lalduhoma chuan a theih chin chinah hma­lak a nih tur thu a sawi a ni.