Kolasibah Organic Fair buatsaih

Agriculture depart­ment chuan nimin khan Kolasib Venglai bazar-ah ni khat awh tur Paramparaghat Krishi Vikas Yojana (PKVY ) Organic Fair an buatsaih a, DC Dr. Arun T-in a hawng.

Dr. Arun T chuan tunlai khawvel changkang leh ṭhang chho mek zelah mihringte chuan ei leh in kan duh tuiin, kan uluk chho ṭan tawh tih sawiin, "Thianghlim taka thlai thar chhuahte hi hriselna a tana thil pawimawh tak a ni a, a thar chhuah bakah heng thlai ei te hi kan intihhmuh nasat a hun tawh a ni," a ti.

PKVY hi prime minister Narendra Modi chuan kum 2015 khan a tlangzarh a, he scheme in a tum ber chu kuthnathawkte chu cluster a intelkhawm tir in hrisel zawka thlai thar chhuah tir (organic farming methods) a ni.