Rúlhût do beihpui thlâk

Nimin khan Synod Higher Secondary School-ah ram pum huapa rúlhût do beihpui thlakna, National Deworming Day hman a ni a, Social Welfare minister Dr K Beichhua'n a hmanpui.

Dr K Beichhua chuan zirlaite fuihna thu sawiin, "Rúlhût pâi lo tura tih theih awlsamte chu kut silfai ṭhat te, thlai leh thei ei tur silfai ṭhat te, tui thianghlim in te, ek-in ṭha neih leh thianghlim taka inthiar te, ei tur khuh ṭhatte leh in leh a vel vawn faite a ni. Rúlhût laka invenna atana hmalakna hi kan hlutin kan ngaih pawimawh a ngai a, vawiina ei thei lo tan pawh February 14, 2019 (Mop Up Day)-ah ei theih a ni leh dawn," a ti a; kum 1-19 inkar zawng zawng chu rúlhût damdawi ei turin a sáwm.

Day hmanna inkhawm hi National Health Mission director Dr Lalrozama'n a kai­hruai a, Reproductive and Child Health (RCH) state programme officer Dr Hmingthanmawii'n National Deworming Day chungchang a sawifiah.

National Deworming Day hi Health department, School Education depart­ment, Social Welfare de­partment, Rural Deve­lop­ment department leh PHE department thawh­hona hnuaiah kalpui ṭhin a ni.