Discover North East - Mizoram

North East Zone Cultural Centre (NEZCC) leh Mizoram Art & Culture department huaihawtin, nimin khan Lawngtlaia CYLA khelmualah Discover North East - Mizoram 2019 buatsaih a ni a, Lawngtlai DC N Chakhai-a'n a hmanpui.

Discover North East - Mizoram hi hnam lâm hmanga India hmarchhak hnamte ziaráng inhriat tawnsak leh chawi larna tur kawnga hma lakna pakhat a ni a; Odisha, Jharkhand, Tripura leh Assam aṭangin cultural troupe pakhat ṭheuh an tel a, an hnam lâmte an entir a ni.

Lawngtlai DC chuan, India hmarchhakah pawh district kilkhawr ber an district-a hnam lâm chawi larna tur hun buatsaih a ni chu lawmawm a tih thu a sawi a, "Mahni hnam lam leh incheina leh mahni hnam ziarángte ngaihhlut a, humhalh leh chawi lar chu hnam ropui zia leh hnam din chhuahna atana thil pawimawh tak a ni," a ti.