February 22 aṭangin Pisa kai hun a sei dawn

Mizoram sorkara General Administration department (GAD) chuan sorkar hnathawkte pisa kài hun chungchangah hriattirna a chhuah a; February 22, kar leh Thawhṭanni aṭangin pisa kai hun chu zing dar 9 aṭanga tlai dar 5 a ni ang.

General Adminis­tration department-in hriat­tirna a chhuah dan­in, kumin February 22 aṭanga October 15 thlenga Mizoram chhung leh hmarchhak state-a Mizoram House-a pisa kài hun chu zing dar 9 aṭanga tlai dar 5 inkar a ni dawn a; India ram chhung hmun dang - New Delhi, Kolkata, Mumbai leh Bengaluru-a Mizoram House-ah chuan zing dar 9:30 aṭanga tlai dar 5:30 a ni ang.