Serchhip aṭanga tomato thawnchhuah tur vailiam

Nimin khan Serchhip district-a cluster hrang hrang aṭanga tomato tharte thawn chhuah a ni a, additional chief secretary JC Ramthanga, Horticulture secretary ni bawkin a vailiam.

Tomato vailiamna inkhawm hi Horticulture director Dr Elizabeth Saipari'n a kaihhruai a; JC Ramthanga chuan, Serchhip district-a Horticulture cluster hrang hranga tomato thartute a lawmpui thu sawiin, "In hlawhtlinna hi Horticulture department hlawhtlinna a ni. Department chuan in zarah hna thawh tur kan nei ve chauh zawk a ni," a ti.

JC Ramthanga chuan, thlai thar kawngah Mizoram intodelhna turin theihtawp chhuah an tum thu a sawi a; Mission for Integrated Development of ­Horticulture (MIDH) hnuaiah kut hnathawktute tan ṭanpuina awm thei angahte theihtawp an chhuah tur thu a 

sawi bawk.

Nimina tomoto hralh tur vailiamte chu mi 18-te thar a ni a; Sailulâk khuaa thar quintal 7, Léng khuaa thar quintal 3.5 leh Serchhipa thar quintal 22.5 niin, a vaiin quintal 33 a ni.

Serchhipa Horti­culture officer M Vanlal­zami tarlan danin, March 2021 tìr aṭangin Chàwmkaia Horticulture Farmer Training Hall leh Site Office ni bawk chu hman ṭan tum a ni.