Khawzawl veng hrang hrang endik

February 16, 2021 aṭanga nimin thleng khan Khawzawlah Covid-19 chungchanga sorkar thuchhuakte zawm a nih leh nih loh veng hrang hrangah endik a ni a; endik turin zonal officer, police leh village task force-te an thawk chhuak.

Endiknaah hian dawr leh sumdawnna hmuna dawrtute chinchang hriatna tura Sulhnu apps a awm leh awm loh te, register vawn dan te, hand sanitizer chhawp dan te, mipui phur lirthei khalhtu te, infiamna hmun te, restaurant leh thingpui dàwr bakah, mipui vantlangin hmaituamna an vuah dante endik a ni.

Dawrkai leh sumdawng ṭhenkhat, register-a phone number leh address dah mumal lo an awm tih hmuh a ni a; sorkar thupek zâwm lo mi ṭhenkhatte chu pawisa chawitir an ni.