Minister-in Lunglei Venglai hall a hawng

Minister C Lalrinsanga chuan nimin khan a bial Lunglei West constituency chhung Lunglei Venglaiah community hall sak thar a hawng a; cheng nuai 146 sénga sak a ni.

C Lalrinsanga chuan, hall chu sorkar hmasaa bialtu MLA Chalrosanga hoa hmalâk tawh a nih thu leh sorkar thara chhunzawm a nih thu sawiin, "Covid-19 boruak avangin duh anga sum pek chhuah thuai thuai theih a ni lo a, tum anga hmain kan peih thei ta lo a ni," a ti.

Minister chuan, hall thar chuan chhim bial tan ṭangkaina nei se a duh thu leh ṭhalaite'n nun kawng a ṭha zawnga an zawh theihna hmun ni se a duh thu a sawi a; Lunglei district chu khawpui fai ber lawmman pakhatna an dawn avanga a lawm thu sawiin, mi dangte entawn tlak nih tum zel turin a chah.

Lunglei Venglai community hall hi UDPA department hnuaia sak niin, IHSDP, State Priority Project leh NEDP sum Rs. 1,46,96,922 sénga sak a ni a; mi 250 vel leng thei tura ngaih niin, badminton court pakhat leh table tennis khelhna pakhat a awm a ni.