Project Ralvengtu ṭan a ni dawn

Mizoram Social Defence and Reha­bilitation Board (MSDRB) hma­laknain, nimin khan Whitestone Conference Hall, Ramhlun North-ah Ramhlun veng pangaa tleirawl kum 14-19 inkarte ruihhlo hmansual laka an him theihna turin hmalakna, 'Project Ralvengtu' hawn a ni a, Aizawl North-II bialtu MLA Dr Vanlalthlana'n a hmanpui.

Dr Vanlalthlana chuan, ṭhalaite leh tleirawl zawkte zinga ruihhlo do kawnga hmalak a ṭul tak zet thu sawiin, "MLA fund pawh khawtlang hruaitute'n hna thawhna atana an hman tura mumal taka chhawp chhuah ka tum. Khawtlang ṭhatna atana thawh kawngah eterpreneurship lama hma­lak nasat a ṭul a, self help group-te pawh intél khawma hna thawk thei tura siama hna thawhpui tak tak ka tum a ni," a ti.

Inkhawm hi Social Welfare director Laldikkimi'n a kaihhruai a, Social Wel­fare secretary K Vanlalrawni leh SHALOM hotupa Dr Chawnglungmuana te pawhin thu an sawi a ni.