NSS-te tan training buatsaih

Nimin khan Govt. Zirtiri Re­sidential Science College-ah Na­tional Service Scheme (NSS) te tan ni nga chhung awh tur 'Training on Leadership and Personality Development’ ṭan a ni a, Sports, Youth Affairs and Tourism Deve­lop­ment Board vice chairman TC Pachhunga'n a hawng. 

TC Pachhunga chuan NSS-ten vantlang tan hna ṭha leh hlu tak tak an thawh ṭhin avangin lawm­awm a tih thu a sawi a, chhun­zawm zel turin a chah. Training-ah hian Mizoram hmun hrang hrang aṭangin NSS volun­teer thlan chhuah bik mi 160 vel an tel a, topic chi hrang hrang - leadership, personality develop­ment, time management, career guidance, entrepreneurship, oral com­munication skill, how to face Interview, benefit of voluntary blood donation-te mithiamte'n an zirtir ang.