MNF-in Mizo National Day an hmang

Nimin khan Mizo National Front (MNF) chuan Mizo Hnam Runah 'Mizo National Day Vawi 54-na' (Independence puan ni champha) an hmang. He hun hi MNF vice president Lal­thlengliana'n a kaihruai a, MNF president Zoramthanga chuan Pathianin Mizote chu hnamte meichher chhi tu atan hman a tum thu a sawi.

Zoramthanga chuan March 1, 1966 ah eng vanga independence puang nge an ni tih ṭhangthar zawkten an theihnghilh a hlauhawm thu sawiin, "India siam a nih lai khan kan tel ve lo a, North East hrang hrang te, Kashmir-te thleng khuan inhre ngai lo kha India-ah min chhungkhawm a. India Constitution Preamble kha India chhul lo pianna chu a ni. Eng ang chiahin nge India kan nihna hi sawifiah a har," a ti.

Peace Talk an neih lai pawh khan 'eng ang tak hi nge India kan nihna' tia an zawh thu sawiin MNF President chuan, "History-in a telhna a rei tawh che u, min ti ringawt mai a ni. Kan tel ve dan hi i sawifel ang u kan ti. Kan inbuatsaih ve ta a, a leh lam leh lam hreh chung chung kha loh theih lohna avangin inkahnaah kan luh phah ta a ni," a ti a, MNF history-a Pathian remruat dan hi mak tak a nih thu a sawi.