Aizawl Traffic SP hriattirna

Traffic SP chuan thuchhuah siamin, February 11, 2019 aṭangin PWD-in Bazar Bungkawn leh Sikulpuikawn inkar kawngpui (main road) siam hna zan dar 9 aṭanga zing dar 4:30 inkarah a thawh avangin, zan lamah chuan kawngpui chanveah chauh lirthei tlan theih a ni dawn.

Kawngpuiah fimkhur taka lirthei khalh turin mipui a hriattir a, hna thawh tibuai thei tura kawngpui sira lirthei leh bungrua dah phal a ni lo.

SIPMIU-in zing dar 10 aṭanga zan dar 9 inkar chhungin Ramthar Sihpui - Ramthar North inkarah sewarage & sanitation pipe phûm hna an thawh avangin, he kawngpuiah hian lirthei eng chi mah hna thawh chhungin tlan theih a ni lo tih a tarlang.