Bank hmalakna sawiho

Lawngtlai District Consultative Committee, District Level Review Committee leh District Level Security Committee chu, nimin khan an chairman N Chakhai, district bawrhsap hoin DC Conference Hall-ah an ṭhu khawm a; lead bank office, RBI, NABARD leh bank hrang hrang aiawhte leh sorkar official leh tlawmngai pawl aiawhte an tel. 

Meeting-ah hian April-September 2018 chhunga Lawngtlai district-a bank hrang hrangte hna thawh thlir let a ni a, hmachhawp an neih leh hmalak zui dan turte an sawiho. 

Bank leh mipui sum vawn himna (security) lam te, pawisa léng vel (currency management & remittance) chungchang te, khua leh tuite hamṭhatna atana sorkar laipui ruahmanna hrang hrang - Stand-Up India, PMAY (Housing for All) leh hmeichhe self help group lama bank hmalak dante sawiho a ni.