CAB theihtawpa dodal zel tum

Council of Minister nimina chief minister Zoramthanga hoa chief secretary conference hall-a ṭhukhawm chuan, The Citizenship (Amend­ment) Bill, 2016 (CAB) chu theihtawpa dodal zel an rêl.

Cabinet Meeting thuchhuahin a tarlan danin, CAB pass tumna chu Mizoram sorkarin duh loin ṭha lo a tih tak zet avangin Cabinet Meeting hmasaah pass a ni tawh. Kawng chi hrang hrangin kan duh lohna an lantir tawh a, Chief Minister pawhin tun hnaiah Prime Minister leh Home Minister hnenah ṭha a tih loh thu a thlen a, pass lo turin a lo nawr tawh a ni.

India hmarchhak hruaitute meeting-ah pawh CM Zoramthanga kalin, sûlsutuah a ṭang a, nasa takin hma a lak tawh thu tarlangin Cabinet thuchhuah chuan, "Vawiin Cabinet Meeting pawh hian chu thu chu sawi nawn lehin, Citizenship (Amendment) Bill hi pawm ṭha kan ti lo a, kan duh lo tak zet a, kan theihtawpin dodal zui zel kan tum a ni," a ti.