CAB chungchanga lungmuang Lutukah MNF sorkar an puh

Zoram Peoples' Move­ment (ZPM) ṭhalai­te chuan thuchhuah siamin, Citizenship (Amendment) Bill, 2016 (CAB) dodal­na atana All NGO Coor­dination Committee-in nimina Protest Day an huaihawt chu thinlung taka an thlâwp tih an tarlang a; MNF sorkar chu CAB chungchanga hma la ṭha duh lo leh lungmuang lutukah an puh.

ZPM ṭhalai chuan, kum 1956 State Re-organisation Act Passed hnuah state siam thar reng reng liguistic base vek a ni tawh tih sawiin, "Chakma-te an pun hluai chuan state /union territory neih an tan a harsa lo sawt dawn. Pakistan, Afghanistan, Bangladesh, etc.-a Hindu tihduhdah tuarte hi vai­belchhe têl an lo lut dawn a ni," an ti.

Joint NGO huaihawta Vanapa Hall-a CAB Protest Day neih ni-ah MNF pisa Mizo Hnam Run chu khâr a ni tih sawiin ZPM ṭhalai chuan, "Eng vanga khar nge? NGO Coordination Co­mmittee hian an office an luhchhuah mai an hlau em ni?" an ti a; MNF-te'n Rajya Sabha-ah CAB phar a ni dawn lo tia an lungmuang lutuk chu a dik lohzia a lang chiang hlea an ngaih thu an tarlang bawk.